Attaccamientu a terra natia

Riceviamo da Giovanni Giardina e pubblichiamo: Cito dei versi scritti dal poeta Franco Gitto : Puru ca si cchiu’ beddu di lu suli. O tri voti cchiu’ riccu di lu mari, a nenti vali, si nun pussedi nenti intra lu cori ! Attaccamientu a terra natia ! di Giovanni Giardina 02-05-2012- Chi mi rapprisintati davanti a stu Paisi, si siti di la destra oppuru da sinistra? A cu e’ chi stasci cca,’un ci nni ‘mporta nenti, si voli sulu godiri , a vita e i mumenti ! Invesci d’ammazzarivi, pinsati a stu Paisi, v’arrifadati i manichi e bandu a li prumissi. Di setti perli d’isuli, pi storia e puisia, li fascistivu divintari…..l’ultima purcaria. Na vota c’era amuri, tantu tantu interessi, pi cunsirvari st’isuli, sti scuogghi cu so mari, no cumu oggi: “ nuova generazioni “ c’havi sulu nu scopu, di ‘ntrallazzar dinari. Unn’e’ cchiu’ dda bedda giuvintu’, china d’amuri e china di virtu’ ? Unn’e’ cchiu’ d’attaccamientu a terra, ch’ebbi dda genti, quannu i cca partu’ ? Sientu un gran duluri ‘nta stu cori, ca pi sta terra ‘un c’e’ cchiu’ rispiettu, nun vidi puru u suli u fasci apposta, nun’e’ cumu na vota …..fa dispiettu ! Scircamu d’unni perdiri ‘nte chiacchiri, pinsamu di sarvari stu paisi, c’ancora simu ‘ntiempu v’assicuru, gudimuni sta terra cu so mari, e pi l’amuri d’idda, damuni da fari. Cu parla di politica e sempri si curtigghia, ’un po’ pinsari ad autru, trascura la famigghia; “Sulu cu ama a terra , trova gran tisoru , e nni po fari di st’isuli….Tanti perli d’oru ! “

a cura di Peppe Paino