"Un tiempu si circava"

"Un tiempu si circava" “Un tiempu si circava “ ( dall’ottavo volume di Pino Paino ) Giovanni Giardina ( O dutturi Nofriu Palamara ! ) Un tiempu si circava cca u dutturi, di iuornu e notti u truvavi svigghiu e basta ca vardava stu duluri mu lluntanava arrassu cchiu’ d’un migghiu ! Mentr’ora ca su tutti prufissuri si un patri senti chianciri u so figghiu e’ miegghiu chi s’arrampica a un muturi, e si nni scappa prima du sbrivigghiu. Ma chiddi eranu miedici davveru, e prima i tuttu, o munnu, paisani, “ n’ta st’isula nasciuti, si criscieru, senza superbia e miedici alla manu. Havianu intantu i studi e un pinsieru, vinianu i cca e un’eranu minchiuni, un ghiri mai appressu o furastieru, caccialu e frustalu unn’e’ chi ti nn’adduni ! E’ razza privinuta i n’ta muntagna senza puisia e senza tradizioni cumu a chiddi ca vinniru da Spagna, “n’ta ddu seicentu ,pi malidizioni ! Quantu ti chianciu Nofriu Palamara miedicu natu e veru prufissuri sirvisti sti spitala pi sanari a tiempu i guerra e cu ranni valuri ! Cu la pascienza tua, senza sciatari tirasti figghi, sulu pi l’amuri, “un ci u dicisti a nuddu,…. hati a pagari o son vuoti pi mmi, vatinni puru ! “ Supa nu sceccu ammienzu dda timpesta, senza ripuosu ievi a tutti l’ura, “un c’era lavuranti e mancu festa, ma sulu la cuscienza du dutturi, ! Mai circasti analisi, ca testa, arrisurvievi i frievi e i duluri, dicievi a tutti o munnu, chistu arresta, campari onesti e viviri p’amuri. Cumu e’ tristi sta genti da muntagna, senza puisia e senza tradizioni, cumu assimigghia a chidda ca da Spagna, add’epuca purto’ malidizioni ! Addiu Lipari mia, scuogghiu filici, spirannu n’ta saluti cu la paci !

a cura di Peppe Paino