"Stu governu"

"Stu governu" Riceviamo da Giovanni Giardina e pubblichiamo: STU GOVERNU ! ( di Giovanni Giardina ) 13 - 12 – 2011 - Chi voli fari stu governu nuovu ? i diebbiti in Italia vonnu liva’ri e invesci e ricchi di falli pagari, ‘nni vonnu fari smettiri i manciari. C’era bisognu di tutti sti scienziati, pi fari a spisa chi sordi cuntati ? si prima ‘un s’arrivava a fini i misi ‘nni levanu li causi e i cammisi. Chi gran pinsata ebbi Napolitanu ! ca menti sua ’un’arrivo’ luntanu pi si liva’ri i mienzu a Berlusconi si iu’ a pigghio’ i miegghi da Bocconi Ci sta pinsannu u prufissuri Monti pi fari quatrari tutti quanti i cunti ma io’ mu mmagginava di partenza ca cunnannava i stissi a pinitenza I politici , ‘un si fannu tuccari, tutti i banchieri , s’hannu a tutelari, all’evasori s’hannu a ringraziari i pensionati l’hannu a fari piniari. Ma intantu u popolo e’ sovranu, ed e’ chiamatu u primu a dari l’anu, e’ rispittatu quannu havi a vutari cu veni a turnu, veni pi ‘ncul… ‘Un fuoru iddi ca ‘nni guvirnaru? Cum’e’ ca tutti i sordi scumparieru ? Ora c’hannu bisuognu di miliuna i cercanu ‘nte sacchietti di minchiuna Ormai i viecchi simu pi birsagghiu i figghi, tutti cercanu travagghiu e mentri iddi s’ammuccanu i miliuni v’aspetta la valigia di cartuni . Ora ca nni missiru i scienziati , ci dunanu cchiu’ sutta e disgraziati, e mentri studianu e cchiu’ fannu primura . ‘nni resta sulu di chianciri a svintura.

a cura di Peppe Paino