"A quinta i luna"

"A quinta i luna" Riceviamo da Giovanni Giardina e pubblichiamo: Il grande poeta e scrittore QUINTUS ORATIUS FLACCUS sosteneva : ( pictoris atque poetis quidlibet audendi semper fuit aequa potestas ) Poeti e pittori hanno pari dignita’ di esternare il personale loro talento nei modi e nelle forme che piu’ gli aggradano. A quinta i luna! di Giovanni Giardina 14-04-2012- Ti vogghiu tantu beni Lipari mia, ca u pinsieri mia e’ sempri a ttia t’ammiru e ti vardu d’ogni latu e cchiu’ ti vardu, cchiu’ cadu malatu Ti viu stanca di quantu nna passatu ! Chianci pi tutti ddi figghi emigrati; ma chista e’ la nostra terra biniditta cumu na cara mamma, ancora v’aspetta. “Un ci ha pututu vientu e timpurali ! ‘Un ci ha pututu mari e tirrimota ! ci sta pruvannu u figghiu tua divotu, ca p’interessi sua, e’ m’bastardutu. Ti mancanu ddi viecchi mastri artigiani quannu t’arricamavanu chi mani, ora su tutti esperti, e prufissura ‘un su cchiu’ purtaturi i dda cultura. Pi anni fusti terra Mmaculata, oggi priva d’amuri , Addulurata puru i to figghi su tutti canciatii, stannu fasciennu peggiu i ddi pirati. Pi mamma ha sempri Roma Capitali, t’havissi a dari aiutu, quannu sta mali, quannu dda Lupa havia latti: nutria a tutti: ora : sulu a na massa di latri e farabutti. Ma i politici ci su pi guvirnari ! pi iddi, ’un c’e’ problema, ponnu manciari, su tutti bravi a superari a crisi e poi aumentanu tassi tutti i misi. Forsi ‘un t’aspittavi sta mala sorti Paisi mia! si cunnannata a morti! Su tutti buoni pi jttari lagni ma poi: ognunu pensa ai so uadagni! Versu l’elezioni Passo’ la S.Pasqua, finieru i fiesti, gia’ ti ricamaru i mura a manifesti poi trummi, comizi e forza i volantini pi l’indecisi e l’ultimi cretini. Cumpari i cca, cumpari i dda,..“ Tutti pu zu Puddu” Ma dopu l’ottu Maggiu……….’un si cchiu’ nuddu”. Ancora di stu lustru i luna.. …..sugnu sicuru, ma dopu sta quinta i luna,…….arriva u scuru! “ .

a cura di Peppe Paino