"U vecchiu e u computer"

Giovanni Giardina "U vecchiu e u computer" Ormai l’anzianu unn’e’ cunsidiratu, ‘un’e’ cchiu’ degnu d’essiri ascutatu finu’ quannu u piru, dava i so frutti, ora c’on servi cchiu’…cu si nni futti ! Si senti sulu, cu e’ con’ebbi figghi, cumu na porta, priva di manigghi chiddu ca invesci fu,cchiu’ furtunatu malidisci puru u juornu quannu e’ natu. Oggi i figghi ,’un’hannu cchiu’ cuscenza, ‘un sannu cchiu’ chi e’ a riconoscenza, si sentunu ranni, pirchi’ missiru i pinni, m’ancora a quarant’anni, vonnu i minni ! . Pi curpa di tutti chisti marchingegni, si fisciru sucari tutti i meningi. pi l’arti di na vota provanu sdegnu ormai, ‘un sunnu cchiu’ fonti i uadagnu! U munnu ormai e’ tuttu computerizzatu, u viecchiu si senti cumu on disgraziatu, ora c’avia bisognu,cchiu’ d’attenzioni e’ sulu tinutu p’amuri da pinsioni ! Navigati giuvintu’, curriti forti ! Curriti senza meta e senza sorti ! Ora vi fisciru tutti st’artifisci e da buttana d’iddi e cu li fisci. Processi, cunnanni, politica,informazioni,notizie, elezioni, Si fannu tutti : pi televisioni Programmi, dibattiti, denunci, reclami, condoglianze, pagamenti, baci, abbracci , auguri, prenotazioni, Si fannu tutti pi via di st‘invenzioni: ( Skype, facebook, email, google, you tube, ) E u viecchiu c’avi a fari, si po’ ammazzari ? O puru, a st’eta’, si po’ mettiri a studiari ? Sicunnu mi, u sangu po’ jttari,! S’ancora cacchi annu voli campari !. Ma cumu , ‘un l’hannu dittu sempri i viecchi:? “Ca a veccchia avi’a cent’anni e ancora ‘mparava? “ Si ! :ma e’ puru veru , ca senza sti marchingegni, cchiossa’ campava! U vecchiu perdi l’anni, ma no u guidiziu ! Quannu si senti i dari: Na vasata,,na carizza, n’abbrazzata, na strinciuta i manu, na timpulata o na sputazzata n’faccia, Vu dicu ‘ncunfidenza: Ca prova cchiu’ piasciri……quannu u fa i presenza !

a cura di Peppe Paino