"E' un miraculu"

"E' un miraculu" Disci u piscaturi :I tiempi pir mi si fisciru troppu duri. Cu tutti sti liggi, ‘un si po cchiu’ piscari e’ un miraculu, s’ancora vaiu a mari Disci u rigattieri : Mi ricuordu cumu fussi statu aieri. Quanta frischizza di lu nostru mari ! e’ un miraculu ,s’ancora mi sienti vanniari Disci u muraturi : Haiu avutu sempri fidi ‘nto Signuri, Cu travagghiu ? ‘nzerta e va diritta, e’ un miraculu , s’ancora sugnu addritta. Disci u mascellaiu : Cacchi cosa i parti io’ ci l’haiu. Cu sta crisi, oggi vinnu puocu e nenti , e’ un miraculu, s’ancora haiu clienti. Disci u panettieri : Travagghiu sulu io’ e me mugghieri prima sfurnava pani, sira e matina e’ u miraculu, s’ancora haiu a farina. Disci u ristoranti : Na vota clienti io’ nn’avia tanti. Ora, cchiossa’ da mitati l’haiu pirdutu e’ un miraculu, s’ancora ‘un’haiu chiudutu. Disci a banca: Io’ un mi puozzu lamintari, ma sugnu stanca. Ancora grazie, a quattru balordi e’ un miraculu : s’ancora tiegnu sordi Disci u parrinu : Io’ usu sulamenti ,acqua, pani e vinu. Mi servunu pi putiri diri a missa e’ un miraculu, s’ancora veni a Criesia cacchi fissa. Disci u pensionatu : E io’ finu ad oggi unn’haiu statu ? Ora i viniti a farimi sti lagni ? E c’hatu fattu fin’ora di guadagni ? Sicunnu vuautri cu e’ cchiu’ ruvinatu ? Chiddu chi vinni, o cchiddu c’ha accattatu ? Vuautri vi sapiti sulu lamintari ma nu pirditi mai, u viziu d’arrubbari. L’azianu campa di palpitazioni, cu scantu ca ci levanu a pinsioni Io’ pi diebiti chi haiu sugnu pirdutu ed e’ un miraculu: s’ancora ‘un’haiu murutu!

a cura di Peppe Paino