" Sugnu pricario...e sugnu rassegnatu"

" Sugnu pricario...e sugnu rassegnatu" Giovanni Giardina Ammatuli ca t’addanni e ti lamienti, unni va, va,‘un si capu’ cchiu’ nenti, oggi su tutta genti prevenuta, a vogghia chi jetti u sangu, nuddu t’ascuta. Finieru i tiempi quannu Betta filava, t’annu c’era fami e si travagghiava, sulu ca schina,i vrazza e i caddi e mani purtavi a casa un ticchiscieddu i pani. Prima di tuttu c’era professioni e poi tanta tanta educazioni, bastava sulu ca rapivi a vucca ca subbitu eri sirvutu,‘nta na botta! Eppuru oggi siti chini di strumenti o ‘un’i sapiti usari ,o ‘un capiti nenti, a matina, prima ancora d’accuminzari Botta di sangu! Vi sientu murmuriari. Pigghiamu per esempiu l’ impiegatu, ca si presenta cumu un vummicatu, stasci assitttatu e ’un si smovi u culu, mancu so pigghi e lu sbatti o muru . Basta !...ora mi siddiaiu ! So na finisci… ora mi nni vaiu ! Tu ti lamienti e vua i raggiuni tua, e invesci, ognunu sapi i caddi sua . Oggi ‘un si tratta cchiu’ di ducazioni: e mancu di strumenti o professioni, si io’ mi truovu cca , sugnu pi sbagghiu, pirchi’ ‘nta stu paisi, ‘un c’e’ travagghiu . Finu’ u concorsu, finu’ u puostu fissu , io’ appartiegnu a dda categoria di fissa, ormai ‘un’ ci nn’e’ cchiu’ sistemazioni, e a fini,’un pigghiu cchiu’ mancu pinsioni ! Forsi ancora tu,‘un l’ha caputu, Sugnu precariu e sugnu rassignatu. Sicunnu ti…. io c’avissi a fari ? A quarant’anni, puozzu cchiu’ spirari ? Fazzu cumu fannu tutti ’nta stu paisi… aspiettu u stipendiu, quannu finisci u misi !

a cura di Peppe Paino