" Si 'nni resta"

" Si 'nni resta" Si ' nni resta di Giovanni Giardina clicca per la versione audio Iò mi curcu ‘nta stu liettu cu Gesù vigghia lu piettu corpu dormi e l’alma vigghia veni Gesu e si la pigghia. L’operaiu, s’arripigghia veni Monti e si li pigghia e p’arriggittari i cunti i negozi fannu i scunti ‘Un ci iri pa pinsioni vá misurati a prissioni ca saluti va cchiù mali sta chiudennu lu spitali ‘Un po’ fari mancu a figghia un c’è nuddu ca ta pigghia u parrinu già ‘nnu dissi ‘un si cantanu cchiù missi Di la banca ‘un ti fidàri puru u culu si fà dari passa u tiempu e si dispèra cu o travagghiu ancòra spera E pi nun canciàri a prassi u Comuni aumenta i tassi pu ‘nni fari cchiù viaggiari pronti i mezzi pi tagghiari ‘Un pinsamu sempri mali già è passatu lu Natali pi regali sunnu duogghi senza sordi t’arricuogghi ‘Un finisci lu malannu ora arriva Capu d’annu cu l’iniziu i l’annu nuovu si ‘nni resta…pu rinnuovu.

a cura di Peppe Paino