"Sugnu precariu !"

"Sugnu precariu !" Sugnu precariu ! di Giovanni Giardina Ammatuli ca t’addanni e ti lamienti, unni va, va,‘un si capu’ cchiù nenti, oggi su tutta genti prevenùta, a vogghia chi jetti u sangu, nuddu t’ascùta. Finieru i tiempi quannu Betta filàva, t’annu c’era fami e si travagghiàva, sulu ca schina,i vrazza e i caddi e mani purtavi a casa un ticchiscieddu i pani. Prima di tuttu c’era professioni e poi tanta tanta educazioni, bastàva sulu ca rapìvi a vucca ca subbitu eri sirvutu,‘nta na botta ! Eppuru oggi aviti un saccu di strumenti o ‘un’i sapìti usàri ,o ‘un capìti nenti, a matina, ancora prima d’accuminzàri Botta di sangu! Vi sientu runguliàri !! Pigghiamu per esempiu l’ impiegàtu, ca si presenta cumu un vummicàtu, stasci assitttàtu e ’un si smovi u culu, ca mi vinissi n’impitu di sbattillu o muru . Ohhh! Ora basta !....ora mi siddiaiu ! Si ora u na finisci… …mi nni vaiu ! Tu ti lamienti e vua i raggiuni tua, e invesci, ognunu sapi…i caddi sua . Oggi ‘un si tratta cchiù di educazioni: e mancu di strumenti o professioni, si iò mi truovu cca , sugnu pi sbagghiu, pirchì ‘nta stu paisi, ‘un c’è travagghiu . Finù u concorsu, finù u puostu fissu , iò appartiegnu a dda categoria di fissa, ormai ‘un’ ci nn’è cchiù sistemazioni, e a fini,’un pigghiu cchiù mancu a pinsioni ! Forsi tu, ancòra ‘un l’ha capùtu, Sugnu precariu e sugnu rassignàtu. Sicunnu ti…. iò c’avissi a fari ? A quarant’anni, puozzu cchiù spiràri ? Fazzu cumu fannu tutti ’nta stu paisi… aspiettu u stipendiu, quannu arriva u misi !

a cura di Peppe Paino

Data notizia: 5/5/2013

Condividi questo articolo

 


Potrebbero interessarti...



Vetrina immobiliare

Rustico Quattropani isola di Lipari
Casa tipica e rudere con terreno Casa tipica e rudere con terreno
199.000
Struttura turistica Lipari Struttura turistica Lipari
590.000
Casa Indipendente nella pineta Lipari Casa Indipendente nella pineta Lipari
390.000
Fabbricato panoramico Lipari Fabbricato panoramico Lipari
120.000

Notizie e interviste dalla Capitale

dalla nostra Daniela Bruzzone

Le ricette

Zucchine e Gamberetti by Marco Miuccio

Dalle nostre ricette ingredienti per 4 persone... scoprile!

Eolie Islands

Instagram #vulcanoconsult