"A Ruccio"

"A Ruccio" A RUCCIO ! (di Giovanni Giardina ) 01-01- 2012 Quannu ti chiamu, pari ca mi sienti pirchi’ si friscu ancora ‘nta me menti ti ricuordu a scausa o Cannitu cu cori allegru e sempri spinsieratu. Impressa l’orma tua a frajmare ‘nta casa janca ‘ pi t’arripusari, vulisti lassari l’alitu du sciatu pirchi’ da terra tua eri ammaliatu. Havi’ u cori cchiu’ riccu d’un diamanti chinu d’amuri, forti, pussidenti quann’eri a mari, ‘un pinsavi a nenti spittavi ca l’alba si chiudi’a a punenti. Bastava na petra janca o d’ossidiana ca ti sintivi u munnu ‘nta na manu pi st’isula fu amuri accussi’ ‘ncarnatu ca nun l’abbannunasti, mancu malatu. Prima di fari l’urtimu viaggiu lassasti la to varca ferma all’ormeggiu ormai u sapi’ da tiempu, eri sicuru, ca dopu a quinta e luna, vini’a lu scuru !

a cura di Peppe Paino