"A passiata"

Giovanni Giardina "A passiata" Io’ prima ca u juornu lu cuminciu ca tazza e latti io,’ m’assiettu e manciu, mi fazzu dopu na caminatedda ammenu mi svagu n’ura, i scirivedda. Si n’ta strata scuntru u ringuliusu, u scansu cumu, si scansa u purtusu, si gia’ i luntanu sientu camurri’a io’ subbitu giru i spaddi e canciu via. Mai, haiu statu amanti di curtigghia, mi fazzu sulu l’affari da famigghia, puru n’to bar, si io’ sientu fracassu, m’assiettu i latu, e ma fazzu arrassu. Intantu ‘un manca mai u malandatu ca scusa du cafe’, s’assetta o latu ca seggia avanti e i supa chi carcagni cumincia la so predica e i so lagni. Mentri cu chistu, gia’ mi doli a testa, n’arriva n’autru, e si fasci puostu ormai ca matinata e’ ruvinata speriamu, c’ammenu chistu cancia sonata: Io sono segretario del partito scusate l’ardire, se ci metto il dito, ho qui’ la lista e tutto il mio programma e nella borsa , tutto il fotogramma. Io son rappresentante della destra, vi esorto a non votar per la sinistra, noi soli , vi possiamo garantire, pane, lavoro, e anche l’avvenire. Io’ ora a chistu ci vulissi diri : si chistu esti modu di agiri ? cu tanta genti ch’esti n’mienzu a strata , a mmi mi veni a fasci sta Traviata ? Ormai a Lipari, divinto’ na prassi, pirdieru i suvari e vannu circannu i nassi, n’te bar calanu i rizzi, stannu agghuattati, pi m’brugghiuliari a genti cum’acchiati. Cu l’esperienza mia , canciu discursu, pirchi’ n’ta l’anni mia, mi fisci l’ossa, ci dugnu cuntu a tutti cumu on fissa, e mi nn’aggiru a casa cu me passu.. Iuornu pi iuornu a stissa tiritera, di ora, finu a quannu e’ primavera intantu pi nun sentiri’ minchiati io’ nun mi fazzu cchiu’, mancu i passiati.

a cura di Peppe Paino