Riconoscenza !

Riconoscenza ! Riconoscenza ! di Giovanni Giardina clicca per ascoltare Giardina Da anni ormai u misteri u missi i latu, mi fisci vecchiu e sempri su malatu, ma quannu iò mi svigghiu la matina primu pinsieri è gghiri n’ta marina. Rituornu a casa sempri scunsulàtu, vidiennu a ttia ‘nta piazza abbannunatu, senza un patruni dda……mittutu i parti, e i carusi a prua ca jocanu e carti. N’un ti canusciu cchiù, nun ha culuri! s’infrascitieru tutti i curritura, a prua si leggi appena “Sarvaturi “ era lu nomi di lu figghiu maggiuri. Ricuordu fusti fattu a fini i guerra, e fusti a n’vidia i tutta supra a terra, nun eri un vuzzu…..eri un carru armatu! ti fisci fari i lignu staggiunatu. U mastru ca ti fici avìa distrizza, avìa vinutu friscu d’Acitrizza, mi dissi: si tu a mari ci sa fari; cu chistu tutta a vita po campari. E quannu l’onni ti fascianu danza? Tu cchiù ci davi prua i prepotenza; ti carricava n’funnu cu la rizza , “ tu fusti lu me pani a me ricchizza! “ Li notti li passava dda…..cu ttia, si no’ cu malutiempu ti pirdìa. cu tti crisciu a famigghia mia ! I figghi mia nun hannu cchiù cuscienza, e cu la pisca…. sa fannu a distanza si fisciru li varchi chi mutura, di ti ‘un hannu un ticchiu di primura. ‘Nto n’viernu dormunu sempri n’ta so stanza, e vannu a fari a spisa, sempri a cridenza, “un sannu cchiù unni sbattiri la testa, s’ammazzanu a purtari li turista. “Un sannu cchiù chi è a riconoscenza, su strapurtati tutti di la scienza, haiu “un duluri o piettu….è u vuzzu mia ! nun puozzu cchiù vardàri st’agonía Ormai sapìti chi mi disci a testa? Pi San Giuseppi cca ci fannu a festa, e datu ca di ti, già si scurdaru, chi ligna tua ci fannu lu quadaru. Vu giuru supa all’arma di me patri, cu tuttu ca mi mancianu i dulura, dumani appena mi svigghiu cu primura: ti viegnu a dari na manu di pittura !!

a cura di Peppe Paino

Data notizia: 03/01/2013

Condividi questo articolo

 


Potrebbero interessarti...



Vetrina immobiliare

Rudere sul mare
Casetta su due livelli Casetta su due livelli
200.000
Appartamento secondo piano Marina Corta Lipari Appartamento secondo piano Marina Corta Lipari
450.000
Villetta Tipica S. Margherita Lipari Villetta Tipica S. Margherita Lipari
155.000
Appartamento vista mare Acquacalda Lipari Appartamento vista mare Acquacalda Lipari
250.000

Notizie e interviste dalla Capitale

dalla nostra Daniela Bruzzone

Le ricette

La Stroncatùra by Pasquale Cùfari

Dalle nostre ricette ingredienti per 4 persone... scoprile!

Eolie Islands

Instagram #liparibiz