"Genti d'aeri 'nte me pensieri"

"Genti d'aeri 'nte me pensieri" Genti d'aeri 'nte me pensieri di Giovanni Giardina Ah! si l’Eoliani,avissimu ancora un pizzicu d’orgogliu !!! Tutti i tradizioni ormai i pirdìmmu , passàru l’anni e nni nn’ accurgìmmu. d’altrondi e figghi nostri, chi è chi ci amù ‘nzignàtu, si nni vriognàmu puru du passatu ? Lassàtimi però, spizzàri na lancia, c’ancora c’esti chiddu ca s’arrancia, a curpa ci a dugnu a ccu è chi fasci i liggi c’arruvinàru a nnuautri e puru e figghi. Oggi i cu scrivi libri ci nn’è tanti ma parlanu di cuosi cchiù ‘mportanti; di cunfinàti,di mafiusi, di criesi e Santi, i poviri, quannu mai hannu fattu storia, è miegghiu cancellalli da memoria ! U Cefalu ,Matarazzu, Lo Riziu, a Zoppa,a Pattisana, a Pilusa,Rodà, Costa, Belletti,Spada, Baldi,Jacunu,,,Ruggieru,Viddanti,Sapienza, Liuni, Reitanu, Mirrina, Mannellu, Monti, Cavalieri, Merlu, u Craparieddu, Larienzu, Saccu i pagghia, Turi ‘mpiriali, Mastru Nofriu , Basile, Croscheta, Muntiliuni, Micu u curtu, Minicu Ziinu, Turipappa, Restuccia. ( Dai cuntadini ‘nfinu ai commercianti ) E scusàti, si mi fiermu cca e ‘un vaiu cchiù avanti, ca u fogghiu è nicu , chiddu c’haiu davanti. su tutti nomi ca ‘un tiranu sordi miegghiu lassalli stari, miegghiu ti scuordi ! Quannu mai ha cuntàtu l’artigianu ? Miegghiu canciu discursu e lievu manu ; Cunsidiràti na massa d’ignoranti, ma intantu purtàru un Paisi avanti ! Ah quantu Mastri ! Quantu Artigiani ! Uomini senza pinna, chi caddi e mani, senza ripuosu , senza mai riggiettu ma chini d’amuri e degni di rispiettu. E poi,‘un ci nni fu unu, a ccu pigghui, pigghiu, c’on ci desi n’avveniri a lu so figghiu. Oggi pi ddi mistieri si prova sdiegnu, ormai ‘un sunnu cchiù fonti i uadagnu. Ma puru ca unu si vulissi ‘mparàri, mu sapìti diri, cu è chi l’avi a ‘nzignàri ?. Tutti li santi jorna parlamu di crisi, e c’on s’arriva mancu a fini o misi, s’on giuvani oggi voli travagghiàri : pó fari sulu a prova ad emigràri !

a cura di Peppe Paino

Data notizia: 5/18/2013

Condividi questo articolo

 


Potrebbero interessarti...



Vetrina immobiliare

Fabbricato sotto le mura Lipari
Rudere con terreno Bagnamare Lipari Rudere con terreno Bagnamare Lipari
195.000
Casa vista mare Pianoconte Lipari Casa vista mare Pianoconte Lipari
590.000
Monolocale con terrazzo Marina Corta Lipari Monolocale con terrazzo Marina Corta Lipari
105.000
Casa indipendente Quattropani Lipari Casa indipendente Quattropani Lipari
260.000

Notizie e interviste dalla Capitale

dalla nostra Daniela Bruzzone

Le ricette

Zuppa di pesce

Dalle nostre ricette ingredienti per 4 persone... scoprile!

Eolie Islands