"L'Isula della Concordia"

"L'Isula della Concordia" “Un sacciu chi mi passa pa cucuzza, unni mi giru, giru , sentu puzza, viu girari a tanti cumu e pacci a destra e a manca fannu bella facci. Su tutti straviati e cercanu alleanzi, si fannu prima i cuminciari i danzi, prima si scegghi a musica i sonari pi vidiri appriessu cu e’ c’havi a manciari ! Tutti cu telefoninu n’ta na ricchia sittati n’ta lu bar di “La Precchia”, ognunu porta avanti i so raggiuni offriennu forza i cafe’…a biviruni. I tutti i lati arrivanu pirati, e l’isulani su, tutti scantati, ora ca c’esti puocu i saccheggiari, i quali parti, ora vonnu attaccari ? Si fannu i cunti chi voti pigghiati di bieddi tiempi di l’anni passati e ‘un servi mancu l’arti di la pinna, pi fari programmi e poi ,cu spinna, spinna. U nostru e’ u primu partitu du paisi, l’autri sunnu spaccati e mali misi, ormai nna’ jucamu sta scummissa, ca presunzioni ca nun simu fissa. E l’autri aspiranti vannu sempri appriessu, e cercanu i truvari un compromessu, ( discianu i viecchi: “Cu camina arriedu, cunta pirita” ! ) Ora ca navi e’ gia’ cu culu a mari ancora, c’e’ cu cerca li primari. Mentri u paisi stasci p’affunnari, arriva u cumpari i turnu pi sarvari e dopu haviri ogni anima ascutatu, si nn’aggira arriedu scugghiunatu E cchiu’ a Lipari arrivanu st’esperti cchiu’ u cittadinu, si fa l’uocchi aperti ormai i pigghiati i culu sunnu tanti , ca ‘un si fida cchiu’, mancu di Santi.. Nun basta la Concordia cumu esempiu ? e chistu ‘un’e’ certu u primu scempiu ! pi ora si nni parla ogni mumentu, ma a fini resta dda’… pi monumentu ! Unu sannu ca cu camina appriessu, cunta pirita

a cura di Peppe Paino