"Si io' fussi"

"Si io' fussi" Giovanni Giardina Quantu ti vuogghiu beni Lipari mia! ma chiddu c’haiu’‘nto cori, u sapi Diu, io’ suoffru e mi turmientu tutti i jorna, pi chiddi ca ‘un’ hannu cchiu’ vriogna . A matina, quannu abbrisci la jurnata, prima di tuttu a Diu ci sciercu aiutu, poi curru pu paisi , cumu on pazzu, pi vidiri biddizzi ca nun’hannu prezzu. Na vota eri china di merletti e pizzi e ora si sulu china di palazzi, giru pi ,strati, e ‘un mi dugnu pasci, vidiennu cumu ti inchieru, tutta di pisci. Ancora quannu l’eolianu era sanu, pi tradizioni amava u stili eolianu, a casa sa fasci’a unn’era era, ma sulu du stanzi, u bagghiu chi pulera. Poi: i malantrini ti usaru cu distrizza sfregiaru tutta quantu a to biddizza, ca scusa du turismu, vinni u mumientu, ca ti inchieru china di cimientu. Io’ quannu truovu cartullini viecchi, mi rapu l’uocchi e attisu i ricchi; Eri na virginedda , quant’eri bedda ! cumu on presepiu chinu i pasturedda !. Ancora ‘un siti stanchi i speculari? Ancora ‘un siti stanchi i snaturari? Ancora ‘un siti stanchi di manciari? Ca scusa co n’abbasta cchiu’a banchina, nni vuliti distruggiri i prai cu tutta a rina. e dopu ca finiti di manciari, nni resta sulu u cimientu jttatu a mari! Si io’ fussi U Sinnacu di Lipari……….vi firmassi. Si io’ fussi A Madonna i portu salvu…vi castiassi Si io’ fussi San Cosimu e Damianu…..vi purgassi Si io’ fussi a Natura….....................vi distruggissi.

a cura di Peppe Paino