"Sangu tradituri ! "

"Sangu tradituri ! " Sangu tradituri ! di Giovanni Giardina Oh! Sangu,sangu, mia aduratu! Servu fedeli i quannu sugnu natu, o fu pirchì un sa mentiri , o fu pi eredità, ca ti purtasti appriessu u D.N.A. Privu di jammi, liqiudu e fluidusu , di vini mia, canusci ogni purtusu. Riccu : di globuli russi, janchi e di piastrini, mastru di geni, e chinu di proteini . Mai ha canusciutu pinuli o dutturi o puramenti cacchi prufissuri, pi chistu, m‘impignaiu a vita mia, pi ‘un ti fari veniri mai anemia. Saziu, pi sustanzi ‘nto manciari tu ha scurrutu i vini, senza sciatari; sempri ha nutrutu organi vitali, e mai ha scircatu analisi o spitali. ! U cori pero’, puru havutu fedi, e t’ha pompatu, da testa finu e piedi sulu pi scanti, sfuorzi o agitazioni, t’ha fattu sballari i testa o di prissioni. Passaggi, ti nn’ha datu,’un sacciu quanti, costrettu a fari battiti custanti, mai t’ha chiudutu transitu all’aorta, o t’ha lassatu i fora , arriedu a porta ! Quantu pugnalati s’asssuppatu ? Quantu frecci p’amuri ha riscivutu? Puru feritu a morti pi passioni, ha spintu u sangu a fari donazioni . Qh! Sangu sangu, tradituri ! Ora ca sugnu debuli i prissioni, pir mi ‘un provi mancu cumpassioni ! Quannu cinn’era assa’,ci u davi a tutti ; Ora ca ci nn’e’ picca, invesci di pinsari pu patruni, ci u st’ha fannu sucari: a un pugnu di parassiti e di latruni!

a cura di Peppe Paino